محمد الشريف
كثير مننا اشترا (أو على الأقل جرّب) بلاي ستيشن 4 أو حتى اكس بوكس ون، على انه ما نزل عندنا رسمياً للآن. الأجهزة الجديدة هي نقلة تقنيّة تعطيك قدرات أفضل من الجهاز اللي قبل، وكل نقلة لها ميزات معيّنة تعجب اللاعب ويصير صعب يستغني عنها.
الأجهزة الجديدة قدمت لنا تجارب أفضل، رسومات صارت أفضل، الشبكات صارت أفضل، والأنظمة صارت متقدمة أكثر، وغيرها الكثير من الميزات. كل ما جلست مع مجموعة جيمرز أكتشف ان عندهم أشياء تعجبهم تختلف عن اللي أعجبتني، لكن مو هذا موضوع اليوم.
موضوع اليوم يتكلم عن مسألة رجوعك للجهاز اللي قبل، سواءً بلاي ستيشن 3 أو اكس بوكس 360. الأجهزة هذي لعلها قديمة من ناحية المواصفات، لكن الألعاب الرهيبه لا زالت تنزل عليها، على الأقل الى هالوقت.
فيه ألعاب مضطر أشغل بلاي ستيشن 3 عشانها، من ضمنها The Wolf Among Us و The Walking Dead Season 2. أتمنى اني ما أرجع لبلاي ستيشن 3 بعد انتهائي من هاللعبتين. ليش؟ لأني أحس انتقلت نقلة كبيرة ما فيها تراجع للوراء، بعد ما اشتريت بلاي ستيشن 4.
غير كذا، فيه ألعاب فاتتني بسبب اني مضطر أرجع لبلاي ستيشن 3، أهمها Dark Souls II. عارف اني بأتحسّف في يوم من الأيام، لكن يمكن في يوم من الأيام أرجع ألعبها.
أسباب كثيرة ما تخليني أرجع لبلاي ستيشن 3، أوّلها يد التحكم. يد تحكّم بلاي ستيشن 4 رفعت المعايير الى درجة خلّتني أرفض اني أستخدم يد تحكم بلاي ستيشن 3. فيه أسباب ثانية مثل بطء نظام بلاي ستيشن 3، لكن هذي كلها تهون اذا تذكّرت اني لازم أتخلى عن يد بلاي ستيشن 4.
بعض اللاعبين ما عنده مشكلة يرجع لجهازه القديم ويلعب باقي الألعاب، وبعضهم مثلي يواجه صعوبات في الرجوع. أنت أي واحد من هالاثنين؟ شاركنا رأيك يارهيب 🙂
احمد خالد
بارعة
