محمد الشريف
في موقع كونامي الرسمي، كشفت كونامي عن جميع نسخ ميتال جير سوليد 5: جراوند زيروز ووضّحت الفروق بينها كلها، بالصور وبالمعلومات!
أول نسخة لفتت الانتباه كانت نسخة بلاي ستيشن 4، واللي فعلاً طلعت النسخة الأفضل. أما بالنسبة لنسخة الاكس بوكس ون، فمثل ما قال كوجيما ان نسخة بلاي ستيشن 4 أفضل منها.
نسخة البلاي ستيشن 4، تشتغل بدقّة 1080p وتعرض 60 اطار في الثانية. الاكس بوكس ون تعرض 60 اطار في الثانية برضه، ولكن دقّتها 720p. هذا جدول يوضّح لك الفروق بين جميع النسخ:
مثل ماهو واضح، نسخ الجيل السابق تشتغل بثلاثين اطار في الثانية، وبدقّة 720p. أما نسخ الجيل الجديد فنسخة بلاي ستيشن 4 لها الأفضليّة.
اللي ماله في المعلومات هذي، من حسن حظه ان كونامي ذكرت بعض الفروقات اللي بتلاحظها في ميتال جير جراوند زيروز اذا لعبتها على الأجهزة الجديدة، وخصوصاً نسخة بلاي ستيشن 4. الفروقات بتكون مثل:
- تقدر تشوف مستويات أعلى من تفاصيل رسوم سنيك والعناصر اللي في الخلفية، مثل وضوح الكلام على الجدران أو اللوحات اللي تلقاها في اللعبة، وبرضه مثل وضوح السماء بشكل أفضل.
- اذا تحسّنت المؤثرات، تقدر تشوف عرض وتقديم أفضل للمطر والأرض اذا صارت مبلّلة.
- الاضاءة المحسّنة تعطي فرصة للأشياء البعيدة انها تنعرض بشكل أوضح وأفضل، حتى في أوقات الليل.
المأخذ الوحيد في اعلان كونامي اليوم انهم بالعاني جابوا صور في أماكن مختلفة للعبة على كل النسخ، عشان الناس ما تقارن بشكل مباشر. لكن كونامي سوّت هذا الشي بالعاني، لأنها ناويه تعرض مقارنة مباشرة -احتمال تكون صور وفيديو!- بين نسخة اكس بوكس ون وبلاي ستيشن 4!
بامكانك تشوف باقي الصور لكل النسخ. شفها وعطنا رأيك بالفرق اللي شفته
بارعة
أيمن اليغشي
