محمد الشريف
بدأ العد التنازلي لأكبر حدث ألعاب فيديو في العالم، معرض E3. أنظار اللاعبين كلها تتج الى لوس أنجلوس، واحتمال كبير ان هذا المعرض بيكون من أكبر وأقوى معارض E3 على الاطلاق!
المعرض الي راح كان معظمه استعراض للأجهزة الجديدة والكشف عن معلومات ومميّزات لها، والألعاب اللي عرضوها أكثرها لها غرض واحد: استعراض قوّة الأجهزة الجديدة.
السنة هذي الوضع تغيّر كلياً، الأجهزة الجديدة موجودة في المحلات لكل شخص يبغى يشتريها، والكل يعرف قوّتها، وتجاوزنا المرحلة هذي وانتقلنا للمرحلة الأهم: أوكي الأجهزة ممتازة، لكن ايش الألعاب اللي بنلعبها عليها؟
معرض E3 لهذي السنة بيكون قوي لهذا السبب، الكل ينتظر “الألعاب” ولا أحد يقدر يلومهم على هذا. وش فايدة الجهاز اذا ما فيه ألعاب نلعبها عليه؟
شخصياً، متحمّ لكل شي في المعرض لهذي السنة، لكن ما أخفيكم ان أكثر شي متحمّس له هو عرض Metal Gear Solid V: The Phantom Pain الجديد، بالاضافة الى آمالي في الاعلان عن تاريخ اطلاق اللعبة اللي لها سنوات طوال تحت التطوير.
وهنا يجي السؤال: على كل هالحماس والتوقعات الهائلة، وش أكثر اعلان تنتظره في معرض E3 لهذي السنة؟ شاركنا آمالك وخلنا نشوف هل بتحقق توقعاتك أو لا!
أخيراً، لا تنسون تشوفون صفحتنا اللي بدينا نجمع فيها كل شي له علاقة بالمعرض، بحيث ما يحتاج تحوس في كل مكان وتدوّر على شي. كل شي بنجمعه لكم في مكان واحد.
احمد خالد
