محمد الشريف
يبدو ان يوبيسوفت اليوم أخبارها كثيرة.
أعلنت شركة Ubisoft عن اهتمامها بمشاريع الواقع الافتراضي (virtual reality) وان عندها لعبتين بتستخدم هذي التقنية، لكن لا زال عندها تحفظات ومخاوف بهذا الخصوص.
يقول Yves Guillemot أحد المدراء التنفيذيين في يوبيسوفت:
” حنا مؤمنين بشدة في تقنية الواقع الافتراضي لاننا نشوف الفرصة الكامنة فيها، وهي انها ممكن تخلّي اللاعبين ينمدجون بشكل أكبر مع الألعاب، حنا حاليًا نطوّر لعبتين بتستفيد من قدرات هذي التقنية”.
الى الآن ما تحدد أي من التقنيات هذي بيستخدمون في المستقبل: هل أوكيولوس ريفت تبع فيسبوك، ولا بروجيكت مورفيوس تبع بلايستيشن؟
” اللي نسوّيه الآن هو اننا نشتغل على التقنيات المختلفة ونشوف وش التقنية اللي نقدر نستخدمها بشكل أفضل، واننا نتأكد اننا نتفادى المشاكل اللي ممكن تجي بسببها، مثل صعوبة استخدامها لفترات طويلة”.
ذكر برضه ان يوبيسوفت بشكل عام متحمّسه مره لهذي التقنية:
” نعتقد انها راح تجلب المزيد من اللاعبين لألعاب يوبيسوفت. في البداية راح نطلق ألعاب قليلة، لكن مع الوقت راح نطلق ألعاب أكثر وأكثر”.
وش رأيكم بكلام المدير التنفيذي؟
بارعة
