مشهور الدبيان
اذا كنت متابع قناتنا للبث المباشر، فأكيد لاحظت نظام الاشتراكات، والتزامنا في تقديم بث مباشر ثلاث ايام في الأسبوع على الأقل، مع عدة مزايا للمشتركين.
للأسف مضطرين من اليوم نسوي عدّة تعديلات على قناة البث المباشر، وبتكون كالتالي:
- عدم الالتزام بجدول بث معيّن
بعد عدة أشهر من الالتزام في نفس الأوقات للبث، اكتشفنا أنه يأثر بشكل كبير على ادائنا فيه، لأنه في أوقات كثير ماتكون فيه ألعاب تستاهل تسوي عليها بث، أو ممكن نكون (أنا أو جميل) مضغوطين في الشغل أو ببساطة “مو في المود” عشان نسوي بث، كأنك تغصب نفسك تلعب، وهالشي يأثر على جودة البث. فقررنا نسوي بث بأوقات عشوائية بحيث نقدر نقدّم أفضل شي نقدر عليه للمتابعين. هالشي ما يعني اننا بنسوي “بثوثات” أقل، ممكن نسوي أكثر! - التوقّف عن دعم نظام الاشتراك المدفوع
مع انه الحمدلله جانا مشتركين كثير في الفترة الماضية، الا انه تظل وسائل الدفع المتوفّره قليلة، ولازم المشتركين يجدّدون كل شهر. هالشي حرم ناس كثير يبون يشتركون من انهم يستفيدون من مزايا المشتركين. ففضّلنا الآن اننا نوقف الميزات اللي نقدمها للمشتركين عادة، ونكتفي باللي يقدمها تويتش للمشتركين (ايقونات، رسائل تنبيه بالجوال، بعض الصلاحيات الاضافية) الى ما يصير نظام الاشتراكات في تويتش أكثر مرونه وسهولة بحيث نقدر نرجع له وندعمه بمزايا اضافية. - امكانية مشاهدة تسجيلات البث للجميع
سابقاً كانت هذي ميزة اضافية للمشتركين فقط، لكن الآن مع توجهنا الجديد راح نفتحها للجميع.
شكراً لكل من اشترك وتابع البث في الفترة الماضية، وان شاءالله بنستمر في تقديم الأفضل للمتابعين في البث المباشر. ولا تنسى تتابع قناتنا للبث المباشر عن طريق انشاء حساب والضغط على زر المتابعة في القناة.
اذا عندك أي اقتراحات أو ملاحظات بامكانك تشاركنا فيها في التعليقات.
أيمن اليغشي
احمد خالد
