محمد الشريف
ستديو تطوير Crystal Dynamics، يقول انه سمع كلام الجمهور بخصوص الألغاز السهلة اللي كانت في الجزء السابق من لعبة Tomb Raider، وانه بناءً على هذا بيخلي الألغاز في الجزء القادم أصعب منها.
السلسلة معروفة بألغازها الصعبة، لكن في جزء Tomb Raider 2013 كانت عبارة عن ألغاز جانبية باسم optional tombs تقدر تسويها متى ما بغيت، الناس قالوا للمطوّر انها سهلة بزيادة، لذلك بيتم رفع مستوى صعوبتها.
مخرج اللعبة، Noah Hughes، يقول ان فريق التطوير عندهم سمع بكلام الجمهور هذا.
” عنصر الألغاز هو واحد من العناصر المهمة في ألعاب تومب رايدر، لذلك فحنّا بنقول لكم -وحنا مبسوطين- ان اللعبة بتحتوي على tombs (أماكن الألغاز) أكثر من قبل، وبيكون فيها ألغاز أكثر”.
” بتشوفون تنوّع في مستوى صعوبة الألغاز في هذا الجزء، بعض الأماكن بتكون كبيرة واحتمال اللغز اللي فيها يكون صعب، وبنحاول نطبق الألغاز في اللعبة بحيث تحلّها عن طريق القفز من مكان الى مكان أعلى، وهكذا”.
تكلم المخرج برضه عن هدفهم في وضع الألغاز، يقول:
” حنا نحاول نحط الألغاز عشان نتحدى اللاعب انه يحلها، لكننا في نفس الوقت ما نبغى اللاعب العادي يوقّف عندها ولا يقدر يتجاوزها. لذلك فواحد من الأشياء اللي بنسويها هو اننا بنكافئ اللاعب مكافأة أفضل اذا قدر يتجاوز اللغز الصعب. هذا شي متعارف عليه في سلسلة تومب رايدر”.
قال نوح (أو نوا) ان بعض الألغاز بتعتمد على فيزيائية اللعبة وعلى مبدأ الفعل وردّة الفعل، بحيث انك تسوي شي معيّن وبتلاحظ ان فيه نتيجة طلعت بسبب الشي اللي سويته:
” أماكن الألغاز هذي بتاخذ معك وقت أطول عشان تحلها، لكنها بتكون خليط ما بين فيزيائية اللعبة ومبدأ الفعل والنتيجة اللي تطلع منه”.
بالمناسبة، قبل كم يوم أطلق المطوّر كم صورة جديدة للعبة اللي تبدو رائعة، هذي بعضها:
وش رأيكم بكلام المخرج؟
بارعة
