أحمد قربان
شركة فالف (Valve) راح تسمح لمطورين الالعاب على شبكة ستيم (Steam) انهم يحظرون اللاعبين اللي يمارسون تصرفات مزعجة في الالعاب، المطورين راح يقدروا يحظروا اللاعبين بشكل دائم بحيث ان الحظر ماراح ينفك من اللاعب.
شركة فالف راح تسمح للمطورين انهم يطبقون انظمة خاصة بالمطورين نفسهم لكشف اللاعبين اللي يمارسون تصرفات مزعجة في اللعبة بالاضافة الى استخدامهم لنظام شركة فالف نفسها لكشف اللاعبين الغشاشين. يعني المطور يقدر يسوي نظام خاص فيه لكشف اللاعبين و يطبقه على لعبته في شبكة ستيم بدون اي مشاكل.
المطورين راح تجيهم تنبيهات باسماء الالعبين المزعجين في اللعبة وبعدها المطورين راح يرسلوا هذي الاسماء لفالف بحيث ان فالف تحظرهم بشكل دائم كعقاب لهم.
ستيم وضحت اسباب هذا القرار وقالت:
- اللاعبين راح يتم حظرهم من المطورين.
- الالعاب مصممة للمتعة، ولضمان افضل تجربة ممكنة لالعاب الاونلاين فالف راح تسمح للمطورين انهم يطبقوا انظمتهم الخاصة لشكف اللاعبين الغشاشين و انهم يحظرون اللاعبين المزعجين مثل اللي يغشون في الالعاب من اللعب بشكل دائم.
- المطورين راح يخبرون شركة فالف لما يكشفون لاعبين مزعجين في العابهم، وفالف راح تطبق الحظر من اللعبة على حساب اللاعب. المسؤولين عن الحظر هم المطورين فقط، وشركة فالف فقط تطبق الحظر بناء على طلبات المطورين.
اذا تم حظرك لا سمح الله، لازم تتواصل مع المطور نفسه لفك الحظر بدل ما تتواصل مع ستيم نفسهم.
شركة فالف تثبت ان اهم شيء عندها تجربة اللاعب وشفنا هذا الشيء في هذا الخبر و شفناه ايضا لما اتراجعوا فالف عن نظام بيع المودز في شبكة ستيم وكتبنا سابقا عن هذا الشيء.
احترم شركة فالف و في نظري نهجها في عالم الالعاب هو الافضل.
اش رايكم بالخبر؟
Saudi Gamer
احمد خالد
