يزيد السويري
لعبة Dying Light تستمر في تحطيم الأرقام القياسية لكن هالمرة في سعر النسخة الخاصة من اللعبة المعنونة باسم My Apocalypse Collector’s Edition اللي تكلف 1453748 ريال سعودي.
محتويات هالنسخة هي اربع نسخ من اللعبة بغلاف معدني ودروس خاصة في علم الباركور (الركض والتسلق فوق الجدران والعوائق بشكل سريع ومرن) واغراض خاصة داخل اللعبة وبيت صدقي مضاد للزومبي في حال لا سمح الله طبو عليك زومبي في المستقبل. النسخة متوفر منها نسخة واحدة فقط في المملكة المتحدة حصريا من متجر GAME وهي متوفرة للطلب المسبق الآن.
أيضا بيمديك تلعب مع المطورين في مباراة زومبي واللي بالمناسبة راح يخلونك المطورين تفوز عليهم عشان تهايط بهذا الفوز عند أخوياك. أيضا بتروح رحلة لمقر الإستوديو في بولندا يعطونك هناك هدايا عبارة عن سماعتين خاصة من Razer وكم دمية خاصة بحجم الإنسان الطبيعي.
أنا أقول والله لو يعطوني إيش ما دفعت مبلغ زي كذا عشان لعبة ( أصلا ما معي هالمبلغ T_T ).
وش رأيكم شباب بالمبلغ الخيالي اللي يطلبه المطور كقيمة للنسخة الخاصة ومين فيكم اللي الله رازقه وناوي يشتريها؟ شاركونا أرائكم في التعليقات.
احمد خالد
بارعة
