الايجابيات
- طريقة لعب بسيطة وسهلة، أي لاعب بامكانه يلعبها ويستمتع فيها.
- عناصر RPG أساسية بعيدة عن التعقيد والعمق مثل تطوير قوة ضربات الشخصيات أو تحملها للضربات وغيرها.
السلبيات
- تكرار فظيع في المراحل والبيئات المستخدمة. أول خمس مراحل هي نفس البيئة بالتمام الفرق الوحيد في توزيع “الغرف” الموجودة في المرحلة. نفس الشي في المراحل اللي بعدها.
- ما فيها أي تميّز من أي ناحية كانت. لعبة بسيطة جداً من جميع النواحي، كل اللي تسويه تضرب الأعداء وتاخذ أسلحة وترفع مستوى شخصيتك الى نهاية اللعبة.
- القصة بائسة الى أبعد حد. رجل بريد يوصّلك طرد تفتحه تلقى كتاب، تقراه وبعدين تسمع الشخصية تقول في نفسها: وش بيصير لو أحاول أغيّر أحداث الكتاب؟ ينتقل المشهد الى مرحلة وتبدأ تلعب بدون أي تفسير أو اهتمام بشرح تفاصيل القصة باستثناء بعض الوثائق اللي تلقاها أثناء لعبك في المراحل.
- تكرار الموسيقى في اللعبة. ألعاب سايلنت هيل معروفة بأجواءها الغريبة وموسيقاها الجميلة “والغريبة في نفس الوقت” أما هذي مجرد ايقاع يتكرر معك في أغلب المراحل.
- تطويل اللعبة بدون فائدة واضحة. كل خمس أو أربع مراحل تتكرر معك بشكل يطفّش بدون أي تفسير منطقي. تحس المطوّر يبغى يطوّل لعبته بأي طريقة لان عادةً هذا النوع من الألعاب لازم يكون طويل.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
اذا تبغى لعبة طويلة أفكارها بسيطة وطريقة لعبها واضحة ما فيها أي فلسفة فأعتقد انها بتكون اختيار لا بأس فيه. أما اذا كنت تدوّر عن لعبة "سايلنت هيل" مثل الأجزاء الأربعة الأولى فغالب الظن انك راح تصيب بخيبة أمل ثانية مثلي.
ألعاب مشابهة
- Diablo
- Torchlight
فيديو اللعبة
