أحمد قربان
شركة سوني (Sony) شغالة على تحديث جديد لجهاز بلايستيشن 4 وبدات تختبره باطلاق بيتا له لتجربته. التسريب جا من برنامج MVP Program واللي يقدرون اللاعبين يجربّون الخصائص الجديدة للنظام قبل الناس، لكن بشكل تجريبي فقط.
اهم اضافة في التحديث الجديد هو خاصية التثبيت والاستمرار (Suspend/resume). هذي الخاصية سوني اعلنت عنها مع اول اعلان لجهاز البلايستيشن 4 بحيث تسمح لك انك تطفي الجهاز وانت موقف اللعبة بمكان معين. واول ماتشغله تكمل لعب اللعبة مباشرة بدون ما تشغّل اللعبة من اللعبة.
ايضا اهم الاضافات في التحديث هي:
- مثل ماذكرنا تقدر تحط البلايستيشن في وضع الراحة بدون ماتقفل اي تطبيق بحيث تروح للاعدادات و تعدل اعدادات توفير الطاقة ثم تسمح للتطبيقات انها تكون شغالة في وضع الراحة.
- اضافة امكانية الوصول (Accessibility) في الاعدادات بحيث تقدر تكبر الشاشة وتعدل الازراز مثل انك تبدل بين زر اكس ومربع يعني لو ضغطت مربع تدخل اللعبة وهكذا.
- تقدر تمسح الكؤوس (Trophies) اللي نسبتها 0%
- تقدر تبحث عن اي كاس بالتفصيل على الانترنت مع وجود صور لاماكن الجوائز.
- تقدر تستخدم خاصية مشاركة اللعب (SharePlay) بسرعة اطارات تصل ل 60 اطار بالثانية.
- مشاركة تفاصيل الكؤوس اللي حققتها و اضافة صور لاماكنها.
التحديث مخطط ان ينزل خلال هذا الشهر او شهر ابريل القادم -شهر 4-.
صراحة تحديث بطل ومنتظر خصوصا مع ميزة التثبيت والاستمرار الرهيبة. سوني تستمر بابداعاتها خصوصا بعد مااعلنت عن خبر كتبناه وهو وصول مبيعات البلايستيشن لاكثر من 20 مليون جهاز. وكتبنا ايضا اهمية تجربة جهاز المورفيوس تبعهم وكيف ان يوشيدا قال ان السعر ماكان همهم الاول عند تطوير المورفيوس.
اش رايكم بالتحديث؟
احمد خالد
