محمد العليمي
تكلم فيل سبينسر (Phil Spencer) رئيس اكس بوكس عن خططه لمستقبل جهاز الاكس بوكس ون. ناقش فيها أشياء كثيرة ومثيرة للاهتمام.
يقول فيل:” حتى الان مر 11 شهر على تولي منصب رئاسة قسم الاكس بوكس وحاولت انفذ رؤية جديدة لمستقبل الاكس بوكس ون بشكل عام، تصدر جهاز الاكس بوكس ون المبيعات البريطانية و الامريكية بشهر نوفمبر و ديسمبر الماضين وهذا كان شئ عظيم بالنسبة لنا”.
بالنسبة لتطوير الألعاب على اكس بوكس، يقول فيل:”نحاول نقدم الأدوات والأجهزة اللازمة لمساعدة المطورين عشان تظهر العابهم بأفضل شكل ممكن”، لمن سألوه عن رأيه عن متجر ستيم ومتجر ويندوز قال” حاليا اشوف ان المتجرين يقدموا اداء رائع وانا لدي حساب بمتجر ستيم وحنا هذا الشهر اضفنا لعبة اوري (Ori) لمتجر ستيم”.
فيل واضح انه مركّز على مطوّري الألعاب وانه يعطيهم تجربة مختلفة: “حنا نبي نطور تجربة اللعب على جهاز الاكس بوكس ون وتكون تجربة فريدة والخاصة لكن بنفس الوقت ما ابي الناس يكونوا مجبورين على اللعب بشاشة التلفاز فقط حنا نبي تكون تجربة اللعب على الاكس بوكس على اكثر من شاشة وهذا الي نحاول نقدمه مع خدمات البث المباشر”.
بالنسبة لبلايستيشن، فيل تكلم عن بلايستيشن بشكل ايجابي ومدح شغلهم. يقول فيل: ” أداءنا كان رائع في شهر نوفمبر وديسمبر السنة الماضية. سوني بدايتها كانت ممتازة جدًا مع بلايستيشن 4، وأهنيهم على رؤيتهم الصحيحة للجهاز. أنا ما أقول هالكلام من باب السخرية، أصفّق لهم على شغلهم”.
تولى فيل سبينسر منصب رئاسة قسم الاكس بوكس قبل سنة تقريبا وبهذي السنة قدر يصحح اوضاع الجهاز وهذا ساهم برفع مبيعات جهاز الاكس بوكس ون، انا عن نفسي اشوف ان الي عمله فيل سبينسر حتى الان شئ ممتاز للأكس بوكس.
انتم وش رأيكم بكلام فيل سبينسر؟
احمد خالد
