محمد الشريف
أعلنت اليوم مايكروسوفت عن تطويرها لبرنامج تجربة الألعاب Xbox One Preview Program واضافة بعض العناصر اللي تخليه أشبه بألعاب الفيديو.
التطوير هذا هو اضافة مستويات (levels) للاعبين اللي يشاركون في تجربة الألعاب، بحيث تزيد نقاطهم وترتفع مستوياتهم بحسب مشاركاتهم. طريقة رفع المستوى لها أكثر من طريقة، مثل انك تشارك في التصويتات الموجودة، وانك ترسل لهم رأيك في الأشياء اللي تجربها ضمن البرنامج، أو انك تشارك في الدراسات اللي يرسلونها لك. كل ما شاركت في هذي الأشياء كل ما زادت نقاطك، وبالتالي يرتفع مستواك. حالياً المكافأة اللي بتحصل عليها في كل مستوى هي صورة تضيفها في ملفك الشخصي في اكس بوكس لايف، وفيه أشياء زيادة بتجي في المستقبل.
بالنسبة للاعبين اللي شاركوا في البرنامج من بداية السنة، فراح تنحسب لهم كل الأشياء اللي سووها وبتجيهم نقاط عليها. البرنامج هذا بدأ في بداية السنة هذي، والآن طوروه مايكروسوفت الى هذا الشكل الجديد.
وش رأيك في التطوير اللي صار في البرنامج؟
احمد خالد
