محمد الشريف
حتى مايكروسوفت لاحظت قلق اللاعبين من توجّهها الجديد، واللي يركز بشكل كبير على الترفيه التلفزيوني. في مقابلة مع نانسي تيليم (Nancy Tellem) رئيسة الاعلام والترفيه الالكتروني، ونائب رئيس استديوات اكس بوكس للترفيه جوردان ليفن (Jordan Levin)، تكلموا عن هذا الموضوع وشرحوا ان تركيزهم على الترفيه التلفزيون ما راح يأثر على تركيزهم في ألعاب الفيديو.
تقول نانسي: “أعمالنا اللي نسويها على الترفيه التلفزيوني ما راح تاخذ شي من تركيزنا على الألعاب. الشي الرهيب في هذا الجهاز ان عندك أشياء كثيرة تسويها ولا فيها أي حدود. بكل بساطة، حنا بنسوي خدمة جديدة أوسع للجمهور، اذا تجاوبوا معها فهذا شي كويس، أما اذا ما تفاعلوا فراح نتجاوب حنا برضه.”
“أعتقد ان هالموضوع يعتمد على حسب استخدامك أنت، وان بامكانك تسوي شي أكبر وأكثر، وهذي هي التقنية حالياً.”
مايكروسوفت قبل فترة عيّنت فيل سبينسر كرئيس لفريق الاكس بوكس، ويبدو من خلال تصريحاته وتفاهمه مع الجمهور ان شغله يبشّر بالخير. بلاي ستيشن 4 حالياً متقدم على اكس بوكس ون من ناحية المبيعات، وهذا شي مايكروسوفت بتحاول تشوف له حل.
وش رأيك بتوجّه مايكروسوفت الترفيهي؟
احمد خالد
Saudi Gamer
