محمد الشريف
في مؤتمر Develop الخاص بألعاب الفيديو، أعلن مارك سيرني المهندس الرئيسي لجهاز بلاي ستيشن 4 عن تطويره للعبة جديدة.
مافيه معلومات كثير عن اللعبة، لكن يقول مارك بخصوصها: “عندي شويّة مشاريع. عندي مشروع مطوّر مستقل شغّال عليه حالياً(يقصد لعبة بميزانية بسيطة مقارنة بالألعاب الكبيرة)، ما أقدر أسميه مشروع مطوّر مستقل بما ان الميزانية بتكون مدعومة ومتوفرة بالكامل. شعور رهيب اني أشتغل على مشروع لعبة وأعرف كل شخص داخل المشروع (يقصد بما انه ماهو مشروع ضخم) عكس الألعاب اللي بميزانيات ضخمة واللي يشتغل عليها المئات. هالمشاريع الصغيرة يمديك تاخذ راحتك وتجرب فيها أشياء جديدة”.
ما أعلن عن اسم اللعبة ولا موعد صدورها ولا شي، فقط قال ان اللعبة بتكون بميزانية أقل من الميزانيات الضخمة.
مارك سيرني من المحاربين القدماء في عالم ألعاب الفيديو، شارك في تطوير ألعاب كثيرة جداً من أشهرها سونيك وكراش وسبايرو وجاك آند داكستر، وأخيراً لعبة Knack.
وش تتوقعون من لعبة مارك سيرني الجاية؟
احمد خالد
