ستديو تومورو كوربوريشن (Tomorrow Corporation) المطور للعبة لتل انفيرنو (Little Inferno) راح يطور لعبة جديدة باسم هيومن ريسورس ماشين (Human Resource Machine).
اللعبة راح تكون لعبة الغاز (Puzzle) و مخصصة للناس الدقيقين اللي يحبوا يطلعون اخطاء املائية للناس وكذة 🙂 اللعبة راح تعلمك اساسيات لغة البرمجة. القصة انك راح تسحب الاوامر الموجودة في اللعبة و ترتبها لبناء مكتب للبشر بحيث ان عامل المكتب يحل المشاكل اللي يعطيك هيا رئيس عملك. كل ماتحل لغز راح تنتقل لدور اعلى في برج الشركة، كل دور تخلصه تمر سنة على الشركة.
اللعبة على كلام المطورين راح تكون سهلة للي يعرفون لغة البرمجة، اما اللي مايعرفوها ماراح تكون صعبة جدا عليهم خصوصا لو كانوا يحبون يحلوا الالغاز. في بداية اللعبة راح يكون عندك ترتيب شيئين بس، لكن في النهاية راح تحتاج انك ترتب 11 أمر وهذا العدد على كلام المطور انه يكفي و يحاكي برمجة اي جهاز كمبيوتر في العالم.
اللعبة الى الان مانعرف موعد اصدراها لكن راح تنزل لاجهزة البي سي والماك، راح تقدر تطلبها طلب مسبق ويجيك تخفيض بحيث ان سعرها بالطلب المسبق 7.99 دولار يساوي 30 ريال سعودي، وسعرها العادي 9.99 دولار يساوي 38 ريال سعودي.
عرض اللعبة التشويقي:
شكلها لعبة حلوة وتضيع وقت. وتصلح للمبرمجين.