لعبة بروجكت كارز (Project Cars) نزلت من شهر، ونزل لها تحديث جديد برقم 1.04 يحسن اداء اللعبة على البلايسيتشن 4 و الاكس بوكس ون.
التحديث راح يحل مشكلة كانت موجودة في اللعبة انها تضيف ظل بسيط لحركة السيارت حتى تغطي تقطيع الفريمات اللي ممكن يحصل، هذا الشيء لان اللعبة شغالة على 60 فريم في الثانية على الاجهزة المنزلية.
اللعبة شغالة على البلايسيتيشن 4 بشكل عام افضل من الاكس بوكس ون، وادائها على البلايسيتشن مذهل، يعني لو ماعندك فلوس للحصول على بي سي بمواصفات عالية العب اللعبة على البلايستيشن 4 وراح تعطيك نفس التجربة تقريبا.
مقطع يوضح التحسينات اللي صارت بعد التحديث:
اللعبة راح تسمح لك بالتحكم في الظل الموجود في اللعبة، و الافضل انك تضبط الظل الى 20، اسمه Temporal level.
ايضا تم اضافة مؤثرات المطر على الشاشة مثل انعكاس ضوء السيارة على الشاشة بسبب المطر.
تحديثات جميلة و شيء جميل نشوف لعبة تستغل كامل قدرات البلايستيشن 4 والاكس بوكس ون. اتمنى باقي المطورين يبدعوا مثل سلايتلي ماد (Slightly Mad) المطور للعبة بروجكت كارز.
المصدر.
