انطباعنا عن Lightning Returns: Final Fantasy XIII في المعرض [E3 2013]

ثلاثية فاينال فانتسي 13، من أكثر الألعاب اللي أثارت جدل بين اللاعبين وبين عشاق السلسلة.

من أهم الألعاب بالنسبة لي طبعاً، ولو اني حبيت وكرهت الجزء الأول من الثلاثية، وكرهت الجزء الثاني منها كلياً، ولا أدري ايش بيصير في الجزء الثالث والأخير.

بطبيعة الحال، أي لاعب لعب الجزء الأول والثاني من الثلاثية راح يفهم أغلب الأشياء في اللعبة. البيئات والجرافيكس ما لاحظت فيها أي تغيير. الجرافيكس في 2010 كان يعتبر خرافي وممتاز جداً، ولكن بعد ثلاث سنوات المعايير ارتفعت حتى في الجرافيكس. ما أقول اني أطالب سكوير برفع الجرافيكس، لان سكوير غالباً مؤمنة ان الجرافيكس هو أهم عنصر في اللعبة. اللي نبغاه اننا نشوف تغييرات ايجابية في الجزء الأخير للثلاثية.

أول الاختلافات اللي لاحظتها كانت في القتال. أعلنت سكوير من زمان ان نظام القتال اختلف وصار أقرب للآر بي جي آكشن، بعد ما كان نظام آر بي جي صميمي “طقني وأطقك”. تغيير جريء جداً، خصوصاً ان نظام القتال كان من أكثر الأشياء اللي مدحوها اللاعبين.

طريقة القتال تحتاج الى التعليم، فيه عندك معيار طاقة للضرب ينقص مع الاستخدام، ويرجع مع الوقت. بامكانك تضرب العدو ضربات معينة وتصد ضربات معينة الى ما يخلّص المعيار. التحدّي في القتال انك تنهيه بدون ما يخلص المعيار أو على الأقل تحاول تخلي فيه فترات بين الضربات عشان يرجع لك جزء منه قبل لا يخلص وتتورط. فكرة رائعة أعجبتني.

من أهم الأشياء اللي لاحظتها برضو اني لحالي في القتال، وهذا تغيير ثاني جريء. الأجزاء اللي قبل كان معك مجموعة لاعبين كمبيوتر Party يساعدونك في القتال. في الجزء هذا راح تقاتل لحالك. برضو من الأشياء اللي لاحظتها ان الطاقة ما ترجع لك اذا انتهى القتال، لازم تستخدم Potion عشان تعالج نفسك.

أيضاً من الأشياء المهمّة اللي تستاهل الذكر ان عندك ثلاث كلاسات “أشكال قتالية للشخصية” تقدر تبدّل بينها أثناء القتال، مثلاً تغيّر من كلاس قتال بالسيف الى كلاس ثاني يعتمد على الهجمات السحرية Magic attacks أكثر. الهدف من هذا انك تحاول تكتشف الكلاس المناسب اللي تأثيره كبير على العدو. هذا الشي كان موجود في الجزئين السابقة باسم Paradigm shift لكنهم أجروا عليه تغييرات جذرية. ما أدري هل التغييرات هذي بتكون ايجابية؟

فيه بعض اللمحات من القصة قدرت أفهمها بما اني لعبت الجزئين السابقة، ما كنت مهتم مرة بالأحداث بما ان الجزء الثاني قصته كانت ضعيفة جداً بالنسبة لي. لذا فما أتوقع شي كبير من القصة.

أخيراً، سكوير شغّالة تغييرات كبيرة على اللعبة، يمكن أي لاعب يشوف اللعبة بيقول هذي نفس الأجزاء اللي قبل، لكن أي لاعب لعبها من قبل ولعب هذي بيلاحظ الاختلافات الكبيرة في طريقة اللعب.

بتنزل اللعبة في 14 فبراير 2014 على Xbox360, PS3.