عادل النوح
اغلبنا يحب يلعب وهو جالس او منسدح او بالأصح ما يتحرك كثير و يكون مرتاح، وهذا يفسر فشل الاكسسوارت اللي كانت تربطنا باللعبة بشكل واقعي مثل (السجادة اللي تحطها بالارض وترقص،و دركسون السيارة) ، لكن شركة نينتندو (Nintendo) سوت ضجة كبيرة على جهازها الوي (Wii) وكان من ابهر الاشياء في 2007 وطبعاً الناس لعبت فيه سنة وسحبوا عليه، فهنا بدأت سوني (Sony) ومايكرسوفت (Microsoft) جذب محبين الوي (Wii) عن طريق الكنكت (Kinect) والبلايستيشن موف (PlayStation Move) ولكن مجرد من يشتريه يهايط فيه قدام اخوياه في ملحق بيتهم واذا راحوا ما يستخدمه ابد!
هذا طبعاً كلام عن جيل الـ90 الى الـ 2013، طيب وش الكلام عن جيلنا الحالي؟
طبعاً ظهر مؤخراً جهاز الأوكليست ريفت (Oculus Rift) وهذا ببساطة جهاز بشكل نظارة بداخلة شاشة، ينلبس من جهة العينين، والمغزى منه ان اللعبة تعرض في الشاشة اللي انت لابسها وتشعر انك داخل اللعبة وتتفاعل مع حركة رأسك، وطلعت اجهزة تدعم هذه النظارة مثل Yei PrioVR و Omni، وكل هذولا الأجهزة ينقلون حركة جسمك بالتعاون مع النظارة المسماة الأوكليست ريفت (Oculus Rift) عشان تشوف اللي حولك والتفاعل مع حركة رأسك.
لكن المشكلة ما زالت مواكبة الطريق من الجيل القديم وهو السعر العالي لتكون الأوكليست ريفت (Oculus Rift) وواحد من الاجهزة التي تتضامن معها لتنقل حركة جسمك ورأسك لديك ستدفع اكثر من 2000 ريال!
وش رايكم هل بتنجح الاجهزة اللي تحاول نقلنا بشكل واقعي للعبة وتكون بيد الجميع ولا بتكون فقط هياط بملحق بيتكم وما تستعمله مره ثانية؟
بارعة
محمد ليلة
أيهم محمد
أحمد قربان