محمد الشريف
بعد قرار منع بيع هتلاين ميامي 2 في استراليا، يبدو ان مطوّر اللعبة عنده رد من نوع آخر، خصوصاً بعد ما تواصل معه واحد من المهتمين باللعبة في استراليا.
الشخص اللي تواصل مع المطوّر يبغى اللعبة ويبغى يدعم المطوّر، ولكن المشكلة انه استرالي، واللعبة ممنوعة في استراليا. ارسل للمطوّر رسالة ايميل يشرح له المشكلة، وكان رد المطوّر له:
” اذا ما تم اطلاق اللعبة في استراليا، نزلها من الانترنت وخلاص. ما يحتاج ترسل لنا فلوس ولا شي، استمتع باللعبة وبس”.
المقصود بنزلها من الانترنت انه يحمّلها من الانترنت بشكل غير قانوني، وهالكلام مستحيل يقولونه مطوّري الألعاب. تخيّل انك تسوي لعبة وتصرف عليها وقتك وجهدك عشان تكسب منها، في الأخير تروح تقول لواحد “خذها بشكل غير قانوني وخلاص، ما يحتاج ترسل لنا فلوس”. ما شفت رد أزحف من هذا 🙂
المصدر سوّا اللي يقدر عليه عشان يتأكد من صحّة الرد، وفعلاً طلعت الرسالة صحيحة.
وش رأيكم بالرد؟
محمد عاشور
أحمد قربان
يزيد السويري