يزيد السويري
يقول المخرج الابداعي الاخ رالف فولتون ( Ralph Fulton ) أن لعبة فورزا هورايزون 2 بيكون فيها محتوى كبير يكفيك لأكثر من 100 ساعة لعب.
الاخ رالف تكلم عن نسبة الناس اللي خلصوا الجزء الاول من اللعبة وقال:
” يوم قلنا حنا بنضيف أشياء كثيرة للعبة كان عشان أن في نسبة من الناس أنهوا الجزء الاول من لعبتنا وبصراحة كانت النسبة أعلى من المتوسط. أقصد أن بالعادة بس 10% من الناس ينهون اللعبة بالكامل هذه الايام في كل الالعاب بس في لعبتنا كانوا أكثر من كذا. لكن بعد ما ينهون الناس لعبتنا ما يرجعون لها بالنسبة لهم ما عاد في شي يسوونه في اللعبة. لكن هالمرة في فورزا هورايزون 2 بيكون في شي نسميه بالتختيمة الأولى شي أبو 15 ساعة أتوقع أغلب الناس يقدرون عليها. لكن بعد كذا بيكون في محتويات زيادة وتقدر تجرب الميزة الجديدة اللي أضفناها وهي ميزة التختيمة الجديدة ( New Game Plus ) تقدر تسويها كذا مرة يعني بالراحة بيكون فيه أكثر من 100 ساعة لعب للناس المحترفين مرة، ولا لا؟”
” أتوقع هذا بيضيف إحساس بأن ودك ترجع تلعب اللعبة أكثر من مرة حتو لو نزلت لعبة كول اوف ديوتي وأساسن كريد الجديدة”
اللعبة بتنزل الثلاثاء الجاي بتاريخ 30 سبتمبر على الاكسبوكس ون والاكسبوكس 360.
تعجبني ثقة المطور في لعبته وأن الناس بتستمر تلعب لعبته حتى لو نزلت ألعاب قوية ثانية بس دايم يكون عمر ألعاب السيارات محدود لانك أول ما تخلص كل السباقات يصير خلاص ما في شي تسويه شخصيا أنا متحمس مرة للعبة رغم أن الديمو أحبطني شوي لكن ما زلت متحمس.
مدري وش رأيكم يا شباب في أحد متحمس للعبة مثلي أو لا؟ شاركونا أرائكم في التعليقات.
بارعة
احمد خالد
أيمن اليغشي