ألعاب الجوالات وما ادراك ما ألعاب الجوالات، شي حلو انك اذا كنت طفشان وبمكان عام ولا انتظار لموعدك تقزرها بالجوال بالألعاب مثل Angry Birds ولا Candy Crush وباقي الألعاب الشعبية. وفي ألعاب وصلت مرحلة الأدمان أشهرها بالفترة الماضية كانت Flappy Bird.
ما يخفيكم لعبة فلابي بيرد لها ضجة غير طبيعية في الفترة الأخيرة من ألعاب الجوالات و اللوحيات على مختلف الأنظمة، اللي و اخيرا مطورها الفتنامي Dong Nguyen قرر انه اللعبة تتوقف وشالها من متاجر الألعاب الالكترونية، و السبب ان اللعبة ادمانية وعلى كلامة وصلته رسايل تهديد بالقتل. الجديد بالموضوع صاحبنا المطور دونق قرر يرجعها لمتجر التطبيقات مرة ثانية، لكن هذي المرة يبي يحط اعلان تحذيري بأن على الاعب ياخذ فترة راحة لان اللعبة ادمانية.
ما ادري صراحة وش الأسباب الحقيقية و هل فعلا اذا رجعها بيغير فيها بعض الأشياء الأبتكارية من نينتندو او فعلاً نتندو متساهلة بهذا الأمر، لكن المثير بالموضوع بصراحة، اشوفها لعبة جدا عادية لدرجة مطوري الألعاب يطورونها بأقل من ساعة. شرايكم، تحسون مرة مبالغ فيها التسويق و التضخم الأعلامي، ولا فعلا هي لعبة رهيبة وتستاهل؟
