يزيد السويري
أثناء حدث Penny Arcade Expo كشفت شركة سكوير إنكس عن موعد إصدار إضافة Heavensward للعبة Final Fantasy 14.
صرح مخرج اللعبة Naoki Yoshida أنه قرار تأجيل إطلاق الإضافة كان قرار صعب. لكنهم إضطروا لهذا التأجيل عشان يكون عندهم وقت اكبر لصقل المحتوى الضخم الموجود مع الإضافة. وقال أنهم راح يكشفون عن المزيد من التفاصيل والتحديثات الخاصة بالإضافة مع قرب موعد الصدور.
بهذه المناسبة راح تنزل شركة سكوير إنكس ثلاث نسخ خاصة بإصدار Final Fantasy 14: Heavensward. أول نسخة هي نسخة المجمعين ( collector’s edition ) بيجي معها أشياء ملموسة سواء ميداليات أو مجسمات مع أغراض داخل اللعبة. ونسخة الكل في واحد وهي بتكون مخصصة للاعبين اللي ما بعد شروا اللعبة الأصلية من Final Fantasy 14: A Realm Reborn ويبون يبدونها مع الإضافة. أما النسخة الأخيرة بتكون نسخة عادية رخيصة للي يبي الإضافة بس بدون مكافآت وأشياء إضافية. طبعا الطلب المسبق مفتوح لجميع النسخ اللي ذكرناها بتاريخ 16 مارس. في حال سويت طلب مسبق بيمديك تلعب اللعبة بدري شوي ( Early access ) في تاريخ 19 يونيو.
وأخيرا الإضافة بتنزل في 23 يونيو على جميع الأجهزة اللي سبق ونزلت عليها اللعبة.
وش رأيكم شباب مين فيكم متحمس للإضافة وأي نسخة بتشترون؟ شاركونا أرائكم في التعليقات.
أيمن اليغشي
بارعة
