أحمد قربان
لعبة ايفولف (Evolve) مبنية على العمل الجماعي بحيث انها تسمح لك بتكوين فريق من 4 لاعبين و كل لاعب يكون كلاسه -ميزاته- مختلف عن الثاني و كل كلاس يفرق باللعبة و يكون مهم جدا في نجاح الفريق.
كل هذا الكلام راح يتبخر بعد ماتعرف ان في قليتش يسمح لك انك تلعب ب5 لاعبين في الفريق بدل 4، يعني ممكن تلعب ويكون معاك 2 اسلحتهم مرة قوية بالاضافة ل3 لاعبين بكلاسات ثانية و بكذة تقدروا تنهوا امل الوحش اللي اسمه قولاياث (Goliath).
القليتش (الخطأ التقني) صار بالخطا لما فريق من اللاعبين كانوا بيبدأو البحث عن الوحش وفجأة لقوا نفسهم مع لاعبين اخرين غيرهم، كان في لاعبين معاهم كلاس السوبورت (Support) وهذا يعني ان قوة الهجوم مضاعفة و بكذة درع الوحش المسكين راح ينقص بلمح البصر. القلتش راح يخل توازن اللعبة بشكل كبير و لو استمر في الحدوث راح يسبب مشاكل كبيرة للي ياخذوا الوحش ويحاولوا يقتلوا الصيادين به. جبنا لكم مقطع للقليتش:
مشكلة كبيرة والله ولازم اللعبة تحلها باسرع وقت. واضح ان اللعبة لك عليها خصوصا بعد ماعرفنا ان اضافات اللعبة اللي ممكن تشتريها سعرها يتجاوز ال130 دولار!
اش رايكم باللعبة وهل جاكم هذا القليتش؟
احمد خالد
بارعة
