أحمد قربان
لعبة داينق لايت (Dying Light) تبغا ترضي اللاعبين و تخليهم مبسوطين في اللعبة اكثر واكثر، ومثل ماصرح تيك لاند (Techland) مطور اللعبة من قبل انه راح يسمح للاعبين بالتعديل في اللعبة مرة ثانية ويسمح لهم باستخدام المودز بعد ماالغوا هذي الحركة في تحديثهم الاخير، الان نزلوا تحديث جديد يسمح لك بالتعديل في اللعبة واستخدام المودز.
التحديث رقمه 1.4.0، التحديث تقريبا راح يقسم اللاعبين لقسمين، لاعبين مااستخدموا التعديلات ويبوا يلعبوا اللعبة الاصلية زي ماهي…هذول اللاعبين راح يلعبوا اللعبة الاصلية ومحد يقدر يعدل في اللعبة ويدخل معاهم، اما الفئة الثانية فهم اللي عدلوا على اللعبة ويبغوا يلعبوها على مزاجهم…هذول اللاعبين راح يلعبوا مع اللي عدلوا نفس تعديلاتهم واستخدموا نفس المودز مع بعض.
طبعا بعض التغييرات الصغيرة راح تصير بعد التحديث مثل ان اللعبة راح تستهلك كمية اقل بشكل ملحوظ من رامات الجهاز و ايضا راح يعدلوا مشكلة واجهت بعض اللاعبين و هي ان وقت التحميل (Loading) يكون جدا طويل في بعض الاحيان.
أخر علان كان موجود بالخبر هو ان راح يتم اضافة مستوى صعوبة جديد و هو المستوى الصعب (Hard) وهذا المستوى راح يرفع الصعوبة في وقت الليل بشكل اكبر.
لعبة داينق لايت الرهيبة واللي اكلت السوق في الفترة الحالية مستمرة في الاكل، اهتمامهم باللاعبين شيئ جميل جدا وراح يساعدهم في المبيعات بشكل اكبر. واحب اذكرك اننا كتبنا تقييمنا عنها اذا لا زلت محتار تاخذها ولا لا. وكمان اذا مهتم باللعبة كتبنا عن اول اضافة راح تنزل للعبة وهل هي تستحق الشراء ام لا.
اش رايكم باللعبة و باهتمام المطور؟
أيمن اليغشي
بارعة
احمد خالد