محمد الشريف
في مقابلة مع واحد من المطوّرين الأساسيين للعبة باتلفيلد، تكلم عن أسباب عدم اعلان باد كومباني 3 على ان جزء كبير من جمهور السلسلة يطالب فيه.
يقول ترودسون: “حنا نسمع هالكلام، نسمع اللاعبين اللي يقولون: ‘ليش يسوون لعبة هاردلاين؟ ليش ما يسوون باد كومباني 3 بدالها؟’ بعض اللاعبين أعجبهم طور الأونلاين التنافسي وسرعة التحكم اللي فيه، بينما البعض أعجبهم طور القصة الفكاهي، فكل واحد أعجبه شي معين. اختلاف حب الناس لها وصل لدرجة اننا صرنا نتساءل: لو سوينا جزء جديد لباد كومباني، وش يعني هذا الكلام؟”
تكلم برضه عن صعوبة هذا الموضوع. يقول: “شي مخيف اننا نرجع ونحاول نسوي شي يحبه الجمهور وحنا ما نعرف الى الآن وش الشي اللي حبوه الناس بالضبط في باد كومباني”.
سألوه في المقابلة عن امكانية اعلان باد كومباني 3 في يوم من الأيام بغض النظر، وقال “انتظروا وشوفوا” وهذا يعطينا أمل ان في يوم من الأيام ممكن يعلنون عن باد كومباني 3.
شخصياً أحب باد كومباني كثير، وعلى انها تعتبر سلسلة فرعية لباتلفيلد، الا اني اني حبيتها أكثر من السلسلة الأساسية. باد كومباني 2 كانت من أفضل ألعاب الأونلاين اللي لعبتها في جيل بلاي ستيشن 3، ومن بعدها أعتقد ان باتلفيلد مستواها في انحدار مستمر. باتلفيلد 3 كانت جيّدة لكني ما استمتعت فيها مثل باد كومباني 2، أما باتلفيلد 4 فوصلت الى مرحلة كارثية وجاملت اللعبة الى ما وصلت حدي معها وبعتها للأبد.
وش رأيك في سلسلة باد كومباني؟
احمد خالد
بارعة
