محمد الشريف
اذا لعبت النسخة الأولى من لعبة دارك سولز 2 على بلايستيشن 3 أو اكس بوكس 360، وبعدها لعبت النسخة الجديدة، واللي اسمها Scholar of the First Sin، على بلايستيشن 4 أو اكس بوكس ون أو بي سي، فغالباً لاحظت أو على الأقل سمعت بمشكلة ضعف الأسلحة وفقدانها لقوّتها بشكل سريع وغير مقبول.
المشكلة ظهرت مع التحسين اللي صار في اللعبة، بحيث تعمل النسخة المحسنة للعبة بسرعة 60 اطار في الثانية، بينما النسخة السابقة كانت تشتغل بسرعة 30 اطار في الثانية. هذا التحسين يعتبر مهم جدًا بالنسبة للجيمرز مؤخرًا، لكن في لعبة دارك سولز 2 طلعت مشكلة بسببه.
الأسلحة في دارك سولز 2 تفقد قوّتها وتصير أضعف مع كثرة استخدامها، وهذا شي متعارف عليه. المشكلة هي ان فقدان القوّة هذا مربوط بعدد الاطارات، ومع زيادة عدد الاطارات (ضعف العدد تقريباً) صارت الأسلحة تفقد قوتها وتخرب بسرعة. باختصار، في النسخة الجديدة الأسلحة صارت تفقد قوّتها بشكل سريع.
المشكلة هذي اشتكوا عليها ناس كثيرين، وكثيرين من نقّاد الألعاب الغربيين لاحظوا المشكلة وحسبوها كعيب كبير في النسخة الحديثة. مطوّر اللعبة رد على الموضوع وقال:
” فيه تحديث قادم للعبة بيحل هذي المشكلة، وبينزل على اكس بوكس ون وبلايستيشن 4 وبي سي. بيلاحظون اللاعبين اللي يشغلون اللعبة بسرعة 60 اطار في الثانية الفرق. لا زلنا نشتغل على التحديث وعلى تحديد تاريخ اطلاقه. هذا التحديث بيحل أشياء أخرى غير مشكلة ضعف الأسلحة”.
قريباً ان شاء الله بينزل هذا التحديث اللي بيعدل المشكلة الكبيرة في اللعبة. ننصحك تنتظر الين ما تتصلح هالمشكلة لانها من جد مزعجة، حسب ما سمعت من لاعبين مقربّين. تقدر برضه تلعب لعبة نقلت أفكار دارك سولز الى مستوى أفضل 🙂
وش المشاكل اللي واجهتها في دارك سولز 2؟
بارعة
Saudi Gamer
أيمن اليغشي
احمد خالد
