ستديو تطوير لعبة Child of Light الآن أصبح فريق أساسي، وعندهم مشاريع كثيرة حالياً

بعد نجاح لعبتهم اللطيفة، تشايلد أوف لايت أو بنت النور :)، قررت شركة Ubisoft انها تعطي فريق التطوير أهمية أكبر، وانهم يثبتون كفريق مستقل ويخلونهم يسوون ألعاب أكثر.

الفريق حالياً يشتغل على مشروع لعبة، وان مشاريعهم الجايه بيسوون فيها ألعاب مثل لعبة بنت النور. يقول رئيس فريق التطوير انه “مبسوط مره” من استقبال الناس للعبة بنت النور. يقول رئيس فريق التطوير ان الفريق الآن عندهم أفكار كثير يشتغلون عليها، لكنها كلها تعتبر أفكار مبدئية.

يقول رئيس فريق التطوير: “تعلم الفريق الكثير من ميكانيكيات الآر بي جي (ألعاب تبادل أدوار) خلال تطويرهم للعبة بنت النور، والحين صاروا فريق أساسي. فريق التطوير يبغون يشتغلون مع بعض مره ثانية، سواءً كانت لعبة صغيرة أو كبيرة”.

يذكر ان يوبيسوفت مبسوطه على الألعاب الصغيرة اللي مثل كذا، وقالت انها بتدعم هالمشاريع بشكل أكبر.

وش رأيك في فريق تطوير بنت النور، وهل تشوف انهم يستاهلون هذا الدعم من يوبيسوفت؟