واحد من مدراء لعبة Destiny يقول صعب انك تقيّم لعبة مثل ديستني

في مقابلة معه، ذكر Pete Parsons انه من الصعب تقييم ألعاب مثل ديستني، بما انها ألعاب تتطلب وقت طويل الين ما تفهم اللعبة.

سألوا بارسونز في المقابلة عن استقبال الناس للعبة مقابل تقاييمها، يقول بارسونز:

” هو شي صحيح ان فيه ناس ما اعطوا وجه لتقاييم اللعبة وراحوا يلعبونها بغض النظر. مثل ما نشوف مع ديستني، من الصعب ان اللعب يلعب لعبة معينة 9 ساعات أو حتى 11 ساعة وبعدها يقيّم اللعبة. صح؟” (يقصد ان اللعبة تحتاج وقت أكثر بكثير)

“لو اني ناقد بيقيم اللعبة، بتكون تحدي مستحيل بالنسبة لي لان من جد ما فيه أي طريقة أقيم فيها لعبة مثل هذي. أنت بالموت تجرب طور القصة وشوي من الأونلاين التنافسي ولا عندك امكانية انك تشوف باقي اللعبة”.

أخيرًا، تساءل بارسونز عن كيفية تقييم هالنوع من الألعاب في المستقبل.

ديستني من الألعاب اللي أثارت الجدل وقت نزولها، بحيث البعض يقول انه محبط منها، والبعض الآخر يقول انه معجب فيها. بامكانك تشوف تقييمنا للعبة من جميل عبدالأحد، لعلّه يساعدك في اتخاذ قرارك في شراء اللعبة – هذا اذا كنت من القلائل اللي ما لعبوها للآن.