أعلنت سوني اليوم عن تاريخ اطلاق لعبتها الحصرية بلودبورد بالاضافة الى عرض جديد وكشفت عن نسخة خاصة للعبة.
تاريخ الاطلاق بيكون 6-2-2015 في أوروبا (نفس تاريخ الاطلاق في منطقتنا). أما بالنسبة للعرض الجديد فتقدر تشوفه هنا:
رهيب العرض؟ لسا باقي، سوني أطلقت بعض الصور عن اللعبة، هذي بعضها:
اذا أعجبتك الصور تقدر تشوف الباقي في مدونة بلاي ستيشن، وبحجمها الكامل والطبيعي.
أخيرًا، أعلنت سوني عن النسخة الخاصة للعبة باسم Collector’s Edition واللي بتطلقها سوني في أمريكا الشمالية، هذي صورتها:
بامكانك تسوي طلب مسبق للنسخة، وسعرها 79.99 دولار وبتكون متوفرة بشكل محدود وفي متاجر معينة. هذي محتويات النسخة:
- غطاء اللعبة بيكون مصمم بشكل حديدي مثل ماهو موجود في الصورة.
- والكتاب الفنّي اللي فيه الرسومات الفنية للعبة.
- ألبوم اللعبة الموسيقي.
أما بالنسبة للطلبات المسبقة على متجر بلاي ستيشن، فاذاسويت طلب مسبق من هناك بتجيك اضافات للعبة في المستقبل، ما أعلنت عنها سوني للآن واكتفت بهذا الكلام. بيعطونك برضه لبس ثاني لشخصية Messenger (مرسول) اللي بتكون معك في اللعبة، والمسنجرز ذولي عرفتهم سوني بأنهم “رفقاء” لك في اللعبة يقدرون “يسهلون” لك بعض خصائص الأونلاين في اللعبة. كلام غريب شوي، لكن ممكن بالعاني ما يبغون يوضحون أكثر عشان ما يخرب علينا جزء من التجربة.
وش أكثر شي أعجبك في المعلومات اللي أطلقتها سوني عن اللعبة، وهل تتوقع انك بتسوي طلب مسبق لها؟
