أطلقت كونامي اليوم صور وعروض جديدة لميتال جير سوليد5: ذا فانتوم بين بمناسبة معرض طوكيو للألعاب 2014، بالاضافة الى معلومات كثيرة.
أولاً، أطلقت العرض الخاص للمعرض، هذا هو:
ملاحظة: العرض ممكن يحتوي على لقطات خادشة للحياء (ترا متعوب عليها الكلمة) بالنسبة للبعض.
العرض يركز على شخصية Quiet، ولأول مرة نشوفها تلتقي مع بيق بوق بوس.
أما بالنسبة للعرض الثاني واللي هو الأهم، فهو عرض لطريقة اللعب في اللعبة، واللي تعرض لك موقع جديد (أخيرًا) غير البيئة الصحراوية اللي في أفغانستان. هذا العرض:
تقدر تلاحظ القدرة الجديدة لسنيك وهي انه “يكهرب” باستخدام يده اليسار. التخدير الكهربائي عنصر معروف في السلسلة من أيام ميتال جير سوليد 3 سنيك ايتر. في الأجزاء اللي فاتت كان سنيك يستخدم السكين اللي تطلق صدمة كهربائية تخدر الأعداء، لكن المره هذي تغيرت وصارت الصدمة الكهربائية تجي من يد سنيك الصناعية.
قدرنا نجيب الكلام اللي قاله كوجيما في عرضه لطريقة اللعب في المعرض، وهذي أهم الأشياء اللي قالها:
- كوجيما يقول انه أخيرًا يقدر “يسوي اللي يبغاه” والشكر موصول للأجهزة المنزلية الجديدة.
- تقدر تختار طرقك الخاصة فيك للوصول الى الهدف في المهمات، ما راح يكون فيه طريق واحد فقط.
- شخصية Quiet تقدر تساعدك خلال تنفيذك للمهمات عن طريق نظام اسمه buddy System.
- التحكم في الخيل في الأماكن العشبية بيكون صعب.
- اليد الصناعية لسنيك، تقدر تغيرها وتركب وحدة غيرها، بحيث بيكون لكل يد وظائف معينة.
- بامكان سنيك يطلب من Quiet انه تستكشف الأماكن البعيدة والي ما يقدر يشوفها سنيك.
- Quiet بيكون لها “نقطة ضعف” في الجيمبلاي وبيتم شرحها في القصة.
- قدرات Quiet راح تتأثر بتأثرعلاقتها مع سنيك!
- اذا كانت علاقتك سيئة مع Quiet، احتمال تسحب عليك ولا تساعدك في المهمات 🙂
- حسب كلام كوجيما، فيه احتمال انك ما تلتقي بشخصية Quiet على الاطلاق، وان هذا بيعتمد على طريقة لعبك في القصة.
أطلقت كونامي برضه الكثير من الصور، وهذي اختيارات معينة منها:
وش رأيك بالمحتوى الكبير اللي أطلقته كونامي عن ذا فانتوم بين؟
