أحمد قربان
اليوم في مؤتمر التكنولوجيا و الانترنت و الاعلام لعام 2015. تحدث خلاله الرئيس المالي لشركة اي ايه (EA) اللي اسمه بليك جورقينسين (Blake Jorgenses)، بليك أكد ان شركة اي ايه ماراح تصدر جزء جديد من اللعبة الرهيبة دراقون ايج (Dragon Age) خلال عام 2015. هذا الشي غير مفاجئ طبعا لأن لعبة دراقون ايج انكويزيشن (Inquisition) نزلت قبل فترة بسيطة بالتحديد في شهر نوفمبر الماضي. ايضا عشان تصمم لعبة جديدة بحجم و ضخامة عالية و طموح عالي يناسب طموح اللاعبين وتكون من تطوير ستديو بايو وير (BioWare)-نفس الاستديو اللي صمم لعبة دراقون ايج-، هذا الشي راح يحتاج وقت وصعب تسويه في سنة وحدة.
على اي حال، الان الوقت لسه بدري عشان نعرف الخطط الجديدة بالتفصيل لشركة اي ايه عن لعبتهم الجديدة من دراقون ايج. الواضح ان اي ايه شايفين امكانيات السلسلة و بينظروا لطرق جديدة لتطوير اللعبة و تقديمها للاعبين.
قال بليك: “على المدى الطويل احنا مره متحمسين للسلسلة. بايو وير توهم فازوا بجائزة لعبة السنة في حفل دايس (DICE) للجوائز. احنا مره متحمسين لنجاح فريق بايو وير و متحمسين عن الاشياء اللي نقدر نسويها معاهم. اعتقد ان في فرصة كبيرة جدا لتطوير لعبة دراقون ايج جديدة.”
الى الان مافي رقم رسمي تم اعلانه عن مبيعات لعبة دراقون ايج. لكن اي ايه قالوا ان اطلاق اللعبة كان اكثر اطلاق لعبة ناجح لبايو وير من ناحية النسخ اللي تم بيعها وقت الاطلاق.
بليك اعطى تلميحة ان ستديو بايو وير شغالين على لعبة جديدة كليا بالاضافة للعبة دراقون ايج. قال بليك: “بايو وير عندهم بعض الالعاب الجديدة اللي مره مثيرة.” في احتمالية ان احد هذي الالعاب الجديدة هو اللعبة الجديدة لبايو وير اللي اعطوا تشويقة عنها في مؤتمر اي ثري (E3) السابق.
اذا لسه مترددين عن لعبة دراقون ايج انكويزيشن الرهيبة تقدروا تشوفوا تقييمنا لها وتقرروا.
اش رايكم بالخبر وهل انتو “مره متحمسين” زي بليك؟
بارعة
احمد خالد
أيمن اليغشي
