يزيد السويري
بعد الاطلاع على أراء اللاعبين بخصوص حدث أيرون بانر السابق قررت Bungie أنها تضيف تغييرات كبيرة على الحدث. علق على الموضوع المصمم الرئيسي للعبة الاخ تايسون قريين وقال:
” الهدف من هذا الحدث هو إعطاء أفضلية بسيطة كافية لقلب موازين اللعبة بين اللاعبين أصحاب المستويات المتقاربة. لكن الحين عرفنا إننا كنا عادلين في اللعبة بزيادة وفشلنا في تلبية توقعات اللاعبيين. بس في الحدث الجاي بنضيف فروقات كبيرة بين اللاعبيين الاقوياء والضعوف. وعشان كذا في الحدث الجاي لازم يكون قائد الفريق مستواه 20 أو فوق عشان يشارك الحدث ويقدرون اللاعبين اللي مستواهم أقل ينضمون لفريق هذا القائد لكنهم بيواجهون تحدي كبير”.
أحد التغييرات اللي بتضيفها Bungie هي إعطاء ميداليات للفريق المهزوم بعد نهاية المباراة وفي حال فاز الفريق المهزوم الجولة الثانية بتتحول هذه الميداليات إلى نقاط سمعة ( reputation gain ) وهذا بيشجع اللاعبين في الاستمرار باللعب وما يطلعون في نص المباراة حتى لو كانوا مهزومين. وأيضا راح يتم تخفيف بعض متطلبات الجوائز ( Bounties ) الخاصة بالحدث. وراح تكمل رتبتك من الحدث الماضي للحدث الجديد لكن هالمرة تم رفع أقصى رتبة في الحدث من 3 إلى 5 عشان تحفز اللاعبين أنهم يلعبون أكثر.
قال الاخ تايسون أن التعديلات والتغييرات الجاية يتم إختبارها حاليا وما راح يضيفونها لين ما يتأكدون منها.
شخصيا الحدث هذا ما أضاف اي قيمة إضافية للعبة أذكر أني سحبت عليه وقعدت أسوي المهمات الاسبوعية الاعتيادية لان بصراحة الجوائز والاسلحة اللي يعطونك اياها ما تستاهل التعب أبدا. وش رأيكم يا شباب هل أعجبكم الحدث الأول ومنتظرين الحدث الجاي؟ شاركونا أرائكم في التعليقات.
احمد خالد
أيمن اليغشي
بارعة