يزيد السويري
الظاهر أن Battlefield Hardline فيها حقها من مشاكل الأونلاين أمس طلعت مشاكل على نسخة الإكسبوكس ون واليوم طلعت مشاكل في السيرفرات على نسخة البليستيشن 4 بعد.
إشتكى عدد كبير من اللاعبين أنهم ما يقدرون يشبكون مع سيرفرات الللعبة وبعضهم يقول ان الإتصال موب ثابت ويقطع. طلع كلام في تويتر أن نسخة البليستيشن 4 والإكسبوكس ون كلهم يعانون من مشاكل في الإتصال في سيرفرات اللعبة. وأن بعض اللاعبين من كل النسختين موب قادرين يلعبون أو حتى يستمتعون بلعب سلس وإتصال ثابت مع المشاكل الموجودة حاليا.
طلب مطور اللعبة من الناس الصبر وطمنوهم أن الفريق قاعد يتأكد من الموضوع وراح يكون فيه إعلان رسمي قريب بمجرد ما تنحل المشاكل. بعض الناس تقول أن هذه المشاكل بسبب هجمات DDoS من ناس حاقدين على شركة EA. لكن الشركة ما قالت حتى الآن وش السبب الفعلي لهذه المشاكل والغالب أنهم ما راح يذكرون السبب إذا طلع الموضوع بسبب تقاعس فريق التطوير وبيقولون كعادتهم أن السيرفرات عليها ضغط ومن ذا الكلام اللي مأخوذ خيره. ننتظر رد الشركة الرسمي ونشوف.
وش رأيكم شباب بالمشاكل اللي صارت مع اللعبة وهل في أحد منكم يواجه مشاكل حاليا؟ شاركونا أرائكم في التعليقات.
احمد خالد
بارعة
Saudi Gamer
