أحمد الراشد
اليوم طلع تقرير من وول ستريت جورنال (Wall Street Journal) عن حصريات العاب الجوال على نظام الـiOS من ابل، ونظام الـAndroid من قوقل. بدأت المنافسة تتشابه اكثر واكثر لمنافسة شركات الكونسول المعروفة: Microsoft، Sony، و Nintendo. لكن في اختلاف كبير بين هالنوعين من المنافسة، وهي طريقة اغتناء حصريات الالعاب.
حصريات الكونسول
خلينا نتكلم عن حصريات الكونسول. طبعاً في اسباب كثيرة تخلي اي لعبة تكون حصرية، لكن ابتكلم عن الاسباب الاكثر اهمية (في نظري). هذي الحصريات في العادة تحصل اما بدفع قيمة مالية لمطوّر او ناشر اللعبة من قبل الشركة المصنعة للجهاز (مثل حصرية Titanfall على اجهزة ميكروسوفت)، او بكل بساطة، اختيار المطوّر او الناشر الجهاز اللي عنده مبيعات اكثر عشان يوفّر قيمة التطوير على الاجهزة الثانية (مثل العاب كثيرة على الـPS1 والـPS2).
طريقة اغتناء الحصريات في أجهزة الجوال
بالرغم من ان ابل وقوقل عندهم كمية هائلة من الفلوس، الا انها ما تدفع ولا فلس على حصرياتها. اللي تسوّيه هالشركات هو انها تعطي مطوّرين وناشرين هالالعاب دعايات قوية مقابل انها تكون حصرية. من اهم الطرق هي انهم يحطون الحصريات في الصفحة الرئيسية في متاجر التطبيقات الالكترونية (App Store و Play Store)، او يحطونها في قسم التطبيقات المتميّزة (Featured). اكبر مثال لهذا النوع من الحصريات هي لعبة Plants Vs. Zombies 2. اللعبة نزلت على اجهزة الـiOS شهرين قبل ما تنزل على الـAndroid. الشركة الناشرة للعبة، EA، وقعت عقد مع ابل ينص بأن اللعبة تكون حصرية لمدة شهرين، والمقابل هو ان ابل تسوي دعايات قوية للعبة.
في نظري، اعتقد ان هذي الطريقة ما راح تدوم. مع قوة المنافسة بين ابل وقوقل، الشركات هذي بتلجأ لاستخدام الطريقة المعتادة عند شركات الكونسول، وهي دفع قيمة مالية كبيرة لهذي الحصريات.
ودي اعرف رأيكم في هذا الموضوع، فلا تنسون تكتبونها في التعليقات!
احمد خالد
بارعة