محمد الشريف
يقول مؤسس استديو لعبة أود وورلد (Oddworld) ان العمل على الألعاب صاحبة الميزانيات الكبيرة (AAA titles) صار سيء، والشكر موصول للأوضاع السيئة المتعلقة بهذي الألعاب الضخمة، بينما المطورين المستقلين عندهم فرصة أكبر وان بامكانهم يبنون علاقة أفضل مع اللاعبين.
يقول لورن لانينق (Lorne Lanning) انه ما يبغى يصير عبد أو تابع للسفن الكبيرة، ويقصد بالسفن الكبيرة شركات الألعاب المشهورة.
يقول لانينق: “كل المطوّرين اللي أعرفهم واللي يشتغلون في مشاريع الألعاب الضخمة يبغون يطلعون منها، هذي المشاريع ياخي كل مالها تصير أسوأ وأسوأ، حتى لو كانت توقعاتك لربح الفلوس أكبر وأكبر”.
“العمل على هالمشاريع كل ماله يصير أغلى بينما الأرباح اللي تجيك منها صارت أقل. وهذا السبب خلانا نوقف لفترة الين ما نبدأ نبيع ألعابنا في المتاجر الالكترونية ونشوف اذا قدرنا نشتغل لحالنا، وقدرنا نسوي هذا الشي”.
يقول لانينق ان العمل مع المطورين المستقلين له ميزتين، الأولى ان جودة اللعب هي اللي راح تعيّشهم وتمشي أمورهم، والثانية ان المطوّر المستقل ما له أي علاقة بالمساهمين، واللي من الممكن يضغطون على اللعبة بحيث يتم اصدارها وهي لسا ما اكتملت، مثل ما صار مع Battlefield 4، حسب كلام لانينق.
أعجبني كلام لانينق مرة، كويس اللي نشوف بعض المطورين اللي كانوا متورطين في شركات الألعاب الكبيرة يتكلمون عن أوضاعهم ويقولون للعالم وش اللي يصير. مثاله مع باتلفيلد 4 مثال رائع والمفروض الشركات الكبيرة تنتبه لهذي المشكلة. كم تحديث نزل لباتلفيلد 4 عشان يصلح المشاكل اللي فيها، وكم مشكلة باقية للحين ما تصلحت؟ كثير مرة، لدرجة اني قررت أترك اللعبة ولا أدري متى بأرجع لها، هذا اذا رجعت لها.
وش رأيك في كلام لانينق؟
أيمن اليغشي
بارعة
عبدالله كونش
محمد ليلة