لاعب قديم وتبي تعرف قد ايش صرت كبير؟ شف هذا الفيديو

اذا أنت لاعب قديم في هذا المجال، فاستعد لمشاهدة فيديو يعرض لك قد ايش أنت كبير الحين.

هذا فيديو مسوينه قناة متخصصة في هذا النوع من الفيديوات، والمرة هذي جايبين الجهاز الكلاسيكي والمحارب القديم ننتيندو جيم بوي، وهو من أقدم أجهزة الألعاب المحمولة.

في الفيديو، يجيبون أطفال باعماره تتراوح من 7 الى 13 سنة (أو حولها) ويعطونهم جيم بوي ويسألونهم أسئلة عن الجهاز ويشوفون مدى معرفتهم للجهاز. شف ردة فعلهم:

شفت قد ايش أنت شايب الحين؟ 🙂

أحزنني الفيديو، خصوصاً اللي يقول “من جدكم كنتوا تلعبون هالشي من زمان؟” ولا اللي يقول “أشعر بالأسى للناس اللي كانوا يلعبونه على وقته” وانهم يفضلون الآيباد عليه. أظنهم بيستغربون ويتعجبون لو شافوا ردة فعلنا مع الجهاز وقتها، ولا أظنهم دروا قد ايش كلامهم على محاربنا القديم بيجرحنا!

وش رأيك بالفيديو؟