لعبة مورتال كومبات اكس (Mortal Kombat X) معروفة بميزة الفاتاليتي (Fatalities) وهي الضربة القاضية اللي تطبقها على خصمك لقتله. الفاتاليتي يحتاج من اللاعب مهارة لتطبيقه، يعني يحتاج انك تحفظ ترتيب معين للازارير لازم تضغطها لتطبيق الضربة القاضية. الشيء الغريب هو ان مورتال كومبات بيعطون اللاعبين فرصة انهم يشتروا اضافة بسيطة لتسهيل تطبيق الضربة القاضية.
الاضافة البسيطة سعرها تقريبا 6 ريال وتعطيك فرصة انك تسهل تفعيل الضربة القاضية في 5 مرات مختفلة، اذا تبغا تسهل الضربة القاضية في 30 قتال مختلف تقدر تشتريها ب 17 ريال تقريبا.
تقدر تحصل على اضافة تسهيل القاضية من نفس اللعبة بدون ماتشتريها لكن لازم انك تخلص طور القصة و تلعب حوالي ساعة في اطوار البرج (The Tower) ومنها طور Test Your Luck و Test Your Might.
ايضا تقدر تشتري اضافة تسهيل الضربة القاضية من العملة الموجودة داخل اللعبة من خلال مكان اسمه Krypt، و تقدر تشتري ملابس للشخصيات و رسمات الشخصيات من نفس ال. كل ذي الاشياء تقدر تشتريها بعملة اسمها Coins داخل اللعبة، وهذي الكوينز ماتقدر تشتريها بفلوس حقيقية.
الكوينز تجميعها مو مرة سهل ولا مرة معقد في اللعبة، لكن يحتاج وقت وصبر من اللاعب، اذا ماعندك صبر ولا وقت وتبغا تجرب كل محتوى اللعبة تقدر تفتح كل الاشياء الموجودة في الKrypt ب90 ريال تقريبا.
السيزون باس (Season Pass) تبع اللعبة موجود بحوالي 140 ريال -السيزون باس هو كود تشتريه يفتح لك كل الاضافات القادمة للعبة بسعر واحد تدفعه من اول مرة- ايضا تقدر تشتري شخصية Sub-Zero فقط من المتجر بقيمة 11 ريال تقريبا، وايضا شخصية الوحش Goro موجودة بحوالي 23 ريال. و توجد اضافة موجودة فقط في متجر ستيم اسمها Kombat Pack بدون مانعرف سبب تواجدها في متجر ستيم فقط.
الشيء الجميل في الموضوع هو ان كل هذي الاضافات ماتأثر على اسلوب اللعب نفسه وتعتبر اضافات جانبية، لان حتى الفاتاليتي هي مجرد حركة لقتل اللاعب بطريقة مميزة فقط لا اكثر.
وش رايكم بالاضافات، وهل تشوفوا انها ممكن تخرب عليكم تجربة اللعبة؟
