أحمد قربان
بيلي بيدقين (Billy Pidegon) خبير الاحصاء والتحليل يعتقد ان اكس بوكس ون (Xbox One) راح يغلب بلايستيشن 4 (Playstation 4) من حيث المبيعات في 2015 او 2016 في دولتي كاندا وامريكا.
السبب الرئيسي اللي خلاه يقول هذا الكلام هو تخفيض سعر الاكس ون لـ399 دولار.
قال بيلي:” هذي حركة تنافسية ممتازة من مايكروسوفت. سعر الجهاز عامل مهم جدا في اجهزة الالعاب، واصلا الكنيكت كان زيادة فلوس على الفاضي وماكان مهم للاعبين (مثل مانعرف انه التخفيض هذا سببه هو ابعاد الكنيكت من عرض البيع)، من غير الكنيكت الاكس ون مفترض يبيع بشكل مستمر و ممتاز خلال الشهور الجاية، وبالرغم من كل اللي ذكرته، اعتقد ان المنافسة راح تكون حامية بين الجهازين في اغلب مسيرتهم، وبرضو اعتقد ان بلايستيشن 4 راح يكون عالميا بايع اكثر من الاكس ون الى عام 2016.”
هذي الحركة (تخفيض السعر) تدل على مرونة مايكرسوفت و توضح ان الشركة مهتمة جدا باللاعبين ويهمها رضاهم.
في النهاية قال بيلي:” هذي الحركة راح تشعل النار بين الشركتين في اي 3 (E3). خلينا نشوف اش راح تعلن الشركتين من العاب. اعتقد ان سوني تحتاج ان تجمع اوراقها المبعثرة بشكل سريع عشان تحافظ على تفوقها في السوق، و على العموم كل هذي الامور راح تزيد اهمية معرض اي 3 والمحتوى اللي راح يكون موجود في المعرض من الشركتين.
بالنسبة لي ما نقدر نحكم على المستقبل من الان. اختلف معاه انه الاكس ون راح يتجاوز البلايستيشن من ناحية المبيعات لعدة اسباب…..من اهمها ان سوني شغالين على خطة ومبدأ واضح و مرضي للاعبين بشكل كبير، هذا في نظري واحد من اهم الاسباب، هذا غير ان مواصفات البلايستيشن كجهاز اقوى بفرق بسيط عن الاكس ون وهذا الشي راح يعطيه افضلية في الشراء.
اش رايكم تشوفو ان اكس ون راح يغلب البي اس فور؟ سواء ايوا او لا اذكرو لنا الاسباب؟ شاركونا
احمد خالد
