محمد الشريف
بعد الأخبار السيئة الكثيرة اللي انتشرت عن أداء الاكس بوكس ون مقارنة بغريمه البلاي ستيشن 4، يبدو ان مايكروسوفت أخيراً بدأت تعيد حساباتها بخصوص هذي المشكلة.
الاشاعة تقول ان مايكروسوفت تفكّر حالياً باصدار تحديث لجهازها الاكس بوكس ون، بحيث تنزّل أبديت يصير فيه كاميرا الكينيكت شي خياري ماهو أساسي، وبكذا يقدرون يفتحون مساحة أكبر للذاكرة عشان يستخدمونها المطورين ويحسنون من أداء ألعابهم خصوصاً من ناحية الرسومات.
اللي يستاهل الذكر ان الكينيكت لحالها تستهلك 10% من ذاكرة الاكس بوكس ون. مذكور في الاشاعة ان مايكروسوفت احتمال تعطي 8% لمطورين الألعاب، بينما بيحافظون على 2% للأوامر الصوتية الموجودة في الجهاز.
اذا طلعت الاشاعة صحيحة فهذا بيكون تغيّر كبير في توجّه مايكروسوفت، واللي كان يدعم الكينيكت بشكل رئيسي في الجهاز.
الاشاعة هذي طلعت بعد سلسلة من الأحداث السيئة للاكس بوكس ون، مثل Call of Duty: Ghosts واللي تشتغل على 60 اطار في الثانية، بينما تشتغل على الاكس بوكس بمعدل ثلاثين اطار في الثانية. نفس الموضوع بالتمام مع اللعبة الجديدة Tomb Raider: The Definitive Edition.
قبل يومين، سوّا الموقع التقني المعروف Digital Foundry مقارنة بالتفصيل الممل عن نسختين Tomb Raider: The Definitive Edition على الجهازين. الكلام كثير ومعقد، لكن بامكانك تشوف فيديو يوضح لك الفروقات في الأداء:
لو طلعت الاشاعة صحيحة، وش موقفك من التحديث؟ هل تتوقّع بيحسن من أداء الألعاب على الجهاز؟
بارعة
