موضوع للنقاش: الاكس بوكس لايف السعودي يبدأ اليوم، هل ناوي تستخدمه؟

أعلنت مايكروسوفت مؤخراً عن عن اطلاق الماركت السعودي والاماراتي للأكس بوكس لايف، بحيث يبدأ بتاريخ اليوم (23 اكتوبر). وهذا الخبر، بلا شك، خبر سعيد للكثير.

الكثير -اذا ما كان الكل- يسجل باستخدام حساب امريكي عشان يصير قادر على شراء المحتويات في الاكس بوكس لايف ماركت (ولأنه ما كان فيه بديل)، الاشكالية اللي كانت تزعج الكثير من اللاعبين – وأنا أولهم.

أعلنت مايكروسوفت قبلها عن اجراءات تغيير عنوان الجيمر تاج للاعبين اللي يرغبون بتغيير دول حساباتهم عشان تتوافق مع دولهم الفعليه. تناقشنا عن الاجراءات الغريبة والعجيبة وتبعاتها في الحلقة 174 من البودكاست، وهي كالتالي:

• بعد ارسالك طلب تغيير الدولة، يتوجب عليك الانتظار لست أسابيع. في خلال الست أسابيع هذي، ما راح يكون بامكانك استخدام الجيمر تاج حقك الى ان تنتهي الاجراءات.

• بعد اتمام للطلب، احتمال انك تفقد بعض المحتويات اللي انت شريتها قبل، وهذا قد يحصل في حال ان المحتويات اللي شريتها غير متوفرة او ممنوعة في الماركت اللي دولتك تتبع له، أو ان التقييم العمري لها يختلف عن التقييم العمري في دولة الحساب الأول.

يبدو ان الاجراءات معقدة بعض الشيء، والغريب ان تم تحديث الاكس بوكس لايف لهذا الأسبوع ولكني ما قدرت ألقى خيار Account Region المذكور في الخطوات اللي تحت. بحثنا عن الموضوع ولقينا ان الخيار هذا يبغاله وقت الين ما يطلع لنا. لكن عموماً، ما فيه أي طريقة رسمية الى وقت كتابتنا لهذي المعلومات. فيه عدّة طرق يبدو انها بتمشي مع البعض لكن ماهو مع الكل وهي كالتالي:

1. سجل دخول بالجيمر تاج في موقع www.xbox.com
2. أعلى الصفحة على اليمين، اضغط على كلمة My Account
3. اضغط على كلمة Account Region.
4. اختر الدولة اللي تبغاها، وباقي الاجراءات روتينية مثل الموافقة على شروط الاستخدام وغيرها.

فيه طريقة ثانية لتغيير الموقع وهي الذهاب لموقع www.xbox.com ثم تسجيل الدخول، بعدها تختار كلمة Support وبعدها Contact us وترسل لهم رسالة تكتب فيها انك ترغب بتحويل عنوانك الى عنوان سعودي وبعدها تبدأ تتابع معهم.

حبينا نذكر ان الى الآن مافيه طريقة رسمية أعلنت عنها مايكروسوفت. أول ما يصير فيه أي جديد في هذا الموضوع راح نحدّثه على طول. واللي عنده معلومات أكثر يا ليت يذكرها لنا في التعليقات.