أعلن استديو Dinosaurum Games عن لعبته الجديدة باسم ويذاوت ميموري (Without Memory) الحصرية لبلاي ستيشن 4 واللي بيتم تطويرها على النسخة الرابعة والأخيرة من المحرك المعروف Unreal Engine.
المطوّر فتح الموقع الرسمي للعبة وأعلن بعض المعلومات. أولها رسمة توضّح لنا شي بسيط عن فكرة اللعبة وأجواءها (صورة الموضوع)، وباقي المعلومات هذي هي:
- اللعبة بتحتوي على عناصر رعب وانفعالات نفسية، مثل اللي عشناها مع Heavy Rain.
- تصوير اللعبة بيكون منظور شخص ثالث Third person.
- بيكون فيها QTE (لقطات سريعة تنفذها أنت ياللاعب من خلال ضغطك بسرعة على الأزرار اللي تطلع قدامك على الشاشة).
- بيكون فيها ألغاز.
- بيكون فيها مهمات جانبية.
- بيكون فيها استخدام ليد تحكم بلاي ستيشن 4.
- تاريخ الاطلاق بيكون في 2016.
شكل اللعبة طموحة جداً، لكن استديو التطوير ما قد سمعنا عنه، مذكور في الخبر ان الاستديو هذا عندهم 50 شخص يشتغلون على اللعبة، بالاضافة الى انهم متعوّدين على التطوير على أجهزة البي سي.
وش تتوقع من اللعبة؟
