انتشرت اشاعة اليوم عن موعد إصدار أحد الألعاب المنتظرة، لعبة The Rise of the Tomb Raider على بلايستيشن 4.
موعد الإصدار حسب المصدر بيكون في موسم العطلات لعام 2016، تقريبًا نفس الوقت هذا لكن السنة القادمة. اللعبة بتنزل على اكس بوكس ون في نهاية هذا العام، وبتكون حصرية بشكل مؤقت على الجهاز.
مثل ما تشوفون، اللعبة بتنزل خلال السنة هذي، أو نهاية السنة هذي على اكس بوكس ون. أقرب موعد لاطلاق اللعبة على بلايستيشن 4، حسب المعلومات اللي قريتها، بيكون حول 6 شهور من اطلاقها على اكس بوكس ون. حسب مصدر الاشاعة احتمال ما تنزل الا بعد سنة من نزولها على اكس بوكس ون.
بعض اللاعبين يفضلون يلعبون اللعبة على وقتها وفي وقت اصدارها، عشان يواكبون الحديث اللي يصير حول اللعبة، وبعضهم ما عنده مشكلة انه يلعبها بعد شهور من نزولها، بحيث يلعبها لحاله ويستمتع فيها بشكل أروق.
أنت بالنسبة لك، هل تشوف انك بتشتري اللعبة على بلايستيشن 4 بعد نزولها بحوالي 6 شهور من موعد اصدارها، أو انك تفضل تلعبها في وقتها على اكس بوكس ون؟
