يوبيسوفت (Ubisoft) باعت اربعة ملايين نسخه من واتش دوقز (Watch Dogs) في الاسبوع الاول للعبة في متاجر الألعاب. بهذا الرقم، اللعبة صارت تعتبر افضل لعبة تحقق مبيعات في الاسبوع الاول ليوبيسوفت (الشركة اللي سوّت اللعبة)، حسب تقديرات مبيعاتها الداخلية.
واتش دوقز نزلت الاسبوع الي راح على بلايستيشن 4، اكس بوكس ون، بلايستيشن 3، اكس بوكس 360 و على البي سي PC. اللعبة باعت نسخ كثيره في اول 24 ساعه من نزولها، اكثر من اي لعبة ثانيه في تاريخ يوبيسوفت.
واتش دوقز راح تنزل عالوي يو في الخريف، المنصة الوحيدة الي باقي تنتظرها. وهذا الشي الي يوبيسوفت مركزه عليه الحين.
بعد هالنجاح الكبير، هل بتتضايق لو أعلنت يوبيسوفت عن الجزء الثاني للعبة قريباً؟
