الظاهر أن إستوديو Visceral Games مطور لعبة Battlefield Hardline ناوي يخربها مع البيتا الجاية للعبة وراح يخليها مفتوحة للكل على جميع المنصات بدون الحاجة لدعوات أو أكواد عشان تدخل في البيتا وتجرب اللعبة.
البيتا راح يكون فيها خريطتين وطورين. الطور الأول إسمه Hotwire وهو مزيج بين الحرب العسكرية والسرعة وهذا الطور يجسد رؤية الإستوديو في لعبة Battlefield Hardline. الطور الثاني بيكون عبارة عن طور Conquest فيه 64 لاعب مقسمين بين شرطة وحرامية ضد بعض.
ما راح يكون فيه حد للمستوى اللي تقدر توصل له في البيتا لأن الإستوديو يبي من اللاعبين يجربون كل شيء بدون قيود يعني يمديك توصل لآخر مستوى في البيتا لكن طبعا ما راح يتنقل تقدمك في البيتا إلى اللعبة النهائية.
بالنسبة لملاك جهاز الإكسبوكس ون يمديهم يلعبون اللعبة قبل موعدها الرسمي من خلال خدمة EA Access اللي تسمح للمشتركين بتجربة العاب الشركة بشكل مبكر.
إذا لعبت بدور الشرطي في الأونلاين بتكون العدة اللي معك قوية بما يكفي أنها تخلي الحرامية يستسلمون. وتقدر تحدد مكان الحراميه ( تسوي لهم tag ) عشان ينتبهون لهم ربعك. بالنسبة للحرامية يقدرون يسون المهمة بتخفي وما يحتاجون يواجهون الشرطة وجه لوجه بالأسلحة دائما.
وش رأيكم شباب متحمسين للبيتا إن شاء الله؟ وهل راح تأثر تجربتك في البيتا على قرار شرائك للعبة؟ شاركونا أرائكم في التعليقات.
