في تصريح جديد لصاحبنا آرن مير، واللي له فترة يتحدث بشكل رسمي عن مطوّر اللعبة Naughty Dog، يقول آرن ان اطلاق ثلاثية أنتشارتد على بلاي ستيشن 4 بيكون شي “رهيب”.
يقول آرن: “بيكون شي رهيب لو نسويها، شي رهيب انك تلقى طرق جديدة توسع فيها قاعدة جمهور اللعبة. ما أدري هل بنسوي هذا الشي ولالا، لكني ما أبغى أقول ان مافيه أمل نسويها. أعتقد ان لو كل الظروف ضبطت، بنفكر في الموضوع وبنسويها بعد”.
تكلم آرن عن وضع استديو التطوير حالياً. يقول: “حالياً، حنا مبسوطين في الاستديو كوننا جالسين نكمل مشوارنا في صناعة ألعاب مبنية على القصة مع شخصيات قوية. الى الآن ما انتهت أفكارنا في هذا الطريق ولكن ممكن نتغيّر مع أي شي بسيط، حتى لو كان الجهاز اللي نشتغل عليه. حنا حالياً نشتغل على شي رهيب مرة وهو رواية قصة من خلال شخصيات، وهذا هو تركيزنا وتوجهنا”.
يبدو ان الأمور ماشيه تمام في نوتي دوق، بعد كم يوم بيطلقون النسخة المطوّرة من لعبتهم الأسطورية The Last of Us على بلاي ستيشن 4 وحالياً يشتغلون على Uncharted 4، واحتمال يبدأون مشروع اطلاق سلسلة أنتشارتد كاملة على بلاي ستيشن 4.
وش بيكون رأيك لو تعلن نوتي دوق رسمياً عن سلسلة أنتشارتد على بلاي ستيشن 4؟
