محمد الشريف
أعلنت يوبيسوفت اليوم انها ما راح تعطي نسخ تقييم للنقّاد قبل نزول اللعبة في السوق، وعذرها في هذا ان اللعبة لازم تلعبها مع باقي الناس عشان تعيش التجربة الحقيقية للعبة.
في مدوّنة يوبيسوفت، تقول:
“نعرف ان فيه كثير منكم ينتظرون رأي الشخص اللي تثقون فيه (يقصدون نقّاد الألعاب)، وانكم تبغون تعرفون وش شعور الناس الخبراء تجاه اللعبة بعد ما يلعبونها ويختبرونها بدقة وعناية. لعبة ذا كرو تم بناءها بحيث تجمع عدد كبير من اللاعبين، لذلك الطريقة الوحيدة لاختبار اللعبة وتجربتها بشكل حقيقي وفعلي هو انك تلعبها مع باقي الناس”.
أعلنت يوبيسوفت برضه ان ما راح يكون فيه أي نوع من الحظر الاعلامي بعد نزول اللعبة (embargo) للعبة، مثل ما صار مع Assassin’s Creed Unity، واللي بسببها ضاعت سمعة الشركة. تقول يوبيسوفت:
“نؤكد لكم بشكل قاطع اننا ما راح نسوي أي حظر اعلامي للعبة بعد نزولها”.
الاعلانات هذي عادةً يتخوّف منها اللاعبين، بحيث يطلع شكل الشركةكأنها ماهي واثقة في منتجها، لكن حسب كلام يوبيسوفت ان نوع اللعبة هذي (MMO أو لاعبين كثيرين يلعبون أونلاين في نفس الوقت) يتطلب انك تلعب اللعبة مع باقي اللاعبين عشان تعيش التجربة كاملة. ما يذكركم هالتصريح بشي ثاني؟
احمد خالد
بارعة
محمد ليلة
أيمن اليغشي
