اعتذرت قبل شوي يوبيسوفت عن المشاكل الكبيرة اللي صاحبت اطلاق لعبتها أساسنز كريد: يونيتي، وأعلنت عن تعويضات رهيبه للاعبين.
أول التعويضات هذي هي ان اضافة اللعبة الجايه، واللي اسمها Dead Kings، بتكون ببلاش لجميع اللاعبين. أما بالنسبة للاعبين اللي اشتروا season pass (اشتراك بمبلغ معيّن يعطيك اضافات اللعبة بالكامل) فراح يتم تعويضهم بلعبة كاملة من يوبيسوفت، بامكان أصحاب السيزون باس انهم يختارون وحدة من هذي الألعاب كتعويض:
- The Crew
- Far Cry 4
- Watch Dogs
- Assassin’s Creed IV: Black Flag
- Rayman Legends.
- Just Dance 2015
أصحاب السيزون باس يقدرون يختارون لعبة وحدة فقط، ولازم يختارون قبل شهر مارس من عام 2015. المدير التنفيذي لأساسنز كريد اعتذر اعتذار شديد، هذا مقطع من كلامه:
“في وقت اطلاق اللعبة، اللعبة احتوت على مشاكل تقنية وأخطاء غير متوقعة. أبغى أعتذر بشدة نيابةً عني وعن يوبيسوفت وعن فريق تطوير اللعبة. هذي المشاكل أثرت على تجربتكم للعبة ومنعتكم من انكم تعيشون التجربة المتكاملة للعبة”.
وش رأيك باعتذار يوبيسوفت؟
