خلال مقابلة مع Dan Greenwalt المخرج الإبداعي لإستوديو Turn 10، أظهر تفاؤله بمستقبل العاب السيارات وأن كل الي سووه للأن مجرد شيء عادي مقارنة بالي بيحاولون يسوونه بالمستقبل.
أيضا جاوب على سؤال كان بخصوص Microtransactions -المشتريات الي داخل الألعاب- مثل الي كانت بلعبة Forza 5 وكان جوابه هو “بعد شهور قليلة من إطلاق Forza 5 غيرنا بالكامل من طريقة التقدم باللعبة وعدلنا بشكل كبير جدا على إقتصاد اللعبة ، كل هذا بفضل اللاعبين الي كانوا يرسلون لنا الإقتراحات على مجتمعنا وعشان كذا تطوير Forza Horizon 2 كان أسهل بكثير ، لأنك عارف وش الي يبغاه اللاعبين ووش الي مايبغاه” ، “أيضا إختبرنا اللعبتين بدون العملات النادرة الموجودة داخل اللعبة -والي تقدر تشتريها بمبلغ معين- وكانت النتيجة مبهرة جداً، لكن فيه بعض اللاعبين الي مايبغى يلعب 20 ساعة مثلا ويبغى يجيب السيارة الفلانية بهذي الحالة كل الي عليه أنه يشتري Tokens ويروح للسيارة الي يبيها ويشتريها وبنضيفها بتحديث جاي للعبة Forza Horizon 2 ، هذا ما يعني أننا بنركز عليهم بالكامل ولكن بنوزنها في Forza Horizon 2”
تم ايضا سؤاله قبل نهاية المقابلة عن المنافسة الي بتصير بين Forza Horizon 2 و لعبة The Crew وكان جوابه ” قبل كل شيء ، أنا سعيد جدا لأني أشوف العاب سباق كثيرة ، وكمطور للعبة ما أشوف أن المنافسه كويسة لتوجهنا والمهم حالياً أننا نركز على رفع جودة العاب السباقات ، عشان ترجع لشهرتها المعهودة”
أخيرا رد على سؤال بخصوص حصرية فورزا للإكس بوكس فقط وهل بينزل أي جزء منها على الويندوز 10 ” قبل أكثر من عشر سنوات تم تأسيس أستوديو Turn 10 والي تخصص من بداياته لتصميم العاب السباقات لأول جهاز إكس بوكس ومن ذاك الوقت للأن ما فكرنا ننزل العابنا على أي جهاز ثاني غير الإكس بوكس لكن لا تعتبر كلامي هذا كتصريح على أن فيه العاب من تطويرنا بتنزل على الويندوز 10″
وش أكثر جزء أستمتعت فيه من أجزاء فورزا ؟
