واحد من المطوّرين الأساسيين للعبة The Crew، واثق تماماً ان اطلاق لعبتهم بيكون سليم من المشاكل على الرغم من انها لعبة تعتمد على الانترنت.
صاحبنا Serkan Hasan، واعي المشاكل اللي تصاحب اطلاق الألعاب، مثل Assassin’s Creed Unity و Halo The Master Chief Collection وغيرها، وانه استفاد من النسخ التجريبية beta اللي أطلقوها.
يقول حسن: “بالنسبة لذا كرو، استفدنا من اطلاق النسخ التجريبية للعبة واللي كان هدفها اننا نختبر اللعبة بأقصى درجة ممكنة. آلاف اللاعبين اختبروا سيرفرات اللعبة”.
أخيرًا، يقول حسن ان كل هذي الاستعدادات اللي مسوينها ما راح تخليه يشيل فكرة المشاكل اللي تصاحب الاطلاق بشكل تام، لان أي لعبة أونلاين يتم اطلاقها، فاحتمال انها بتواجه مشاكل.
