اعلنت شركة تيلتيل (Telltale) ان الجزء الجديد من سلسلة لعبة ذا واكنج ديد (The Walking Dead) ماراح ينزل في اي وقت قريب لكن تيلتيل اعطوا تلميحة انهم ممكن يصدروا محتوى لعب جديد لسلسلة ذا واكنج ديد قبل اصدار الجزء الجديد من السلسلة بشكل رسمي.
قال جوب ستافر (Job Stauffer) رئيس ستديوهات تيلتيل في احد المقابلات: “في فترة معينة في المستقبل راح نطلق الجزء الثالث من سلسلة لعبة ذا واكنج ديد، مانعرف متى بالتحديد لكن نأكد لكم اننا شغالين على هذا الموضوع”
بعدين فجأة في نفس المقابلة بدأ يقول جوب كلام غريب، قال: “تصدق ان راح يجيني ايميل تحذيري للكلام اللي راح اقوله الان! الجزء الثالث من سلسلة لعبة ذا واكنج ديد مو شرط انه يكون قريب جدا جدا، لكن اعتقد انك تقدر تتوقع امكانية وجود محتوى جديد من لعبة ذا واكنج ديد في وقت قريب، مدري كلامي منطقي ولا لا، تشوفوه منطقي؟”
وقال في النهاية: “راح اجعل الانترنت يعمل على نشر الجزئية الاخيرة من كلامي….اعطوني السؤال التالي”
كلام خطير من جوب لعشاق السلسلة، راح ننتظر ونشوف اش المحتوى هذا وهل هو ممتاز ولا شيء تسليكي، اذا كنت مهتم اكثر عن مشاريع تيلتيل كتبنا عن تعاونهم مع شركة ضخمة لانشاء مشروع جديد نصفه لعبة ونصفه الاخر مسلسل!
وش تتوقعون بتكون نوعية المحتوى هذا؟
